خلطه للقهوه خيال الكل بيسألك عن سر قهوتك(من أختراعي

اليوم قررت أني أفصح لكم عن سر من أسراري
وهي خلطه للقهوه تخلي قهوتك غير مميزه وحلوه ومن حلاتها ودك تشربي الترمس كله
الصراحه من أخترعتها وحطيتها على قهوتي الكل سألني وش سر النكهه الحلوه

واليوم قررت أني أنشرها على الملأ وأتمنى من كل وحده تجربها أنها تدعيلي بالتوفيق وتتيسرلي وأدرس وأن الله يصلح لي بنوتاتي
نجي للخلطه الرهييييييببه
المقادير :
فنجان قهوه يانسون(اللي حبته صغيره وطعمه حلو)
نص فنجان مسمار
نص فنجان هيل
نص فنجان قرفه مكسره

الطريقه (صارت طبخه):
تطحني جميع المقادير في الطحان حق القهوه وتحفظيها في علبه محكمه وأذا سويتي قهوتك حطي من الخلطه ملعقه صغيره عليها وأذا حبيني زيدي شوي هيل
وتمتعي بأحلا قهوه وكل من ذاقها راح يسألك عن سر النكهه وأحلي شي أنك تفاجئي اللي حولك بها في العيد
وياسلام عليها مع العبدليه بالتمر (انتظروها قريبا)
وأمتع اللحظات أتمناها لك مع أحلى قهوه ولا تنسوني من الدعوات الحلوه مو تسوون القهوه وتكيفون عليها وتنسوني

الله على المزاج وينك يابنت حرب تشوفين القهوه وتبسطين.....