ذكرتك مع شتا ليل الشمــــــال

كم ذكرتك مع شتا ليل الشمال
والسهر والبرد والليل الطويل
والعنا والبعد وصدوف الليال
والوفا اللي كان يانجمة سهيل
كل مرّه أسأل لنفسي سؤال
هو بقى مثلي يعشق المستحيل
أدري أن وصالها أصبح محال
وكان أبنساها عجزت ألقى البديل
كل برق(ن) لاح انده له تعال
وتختلط في عيني الدمعه وتسيل
عشت لك وافي معاك بكل حال
ومن نزل عقبك نهارين ويشيل
وأترك الواقع وأعيشه بالخيال
وأصبح وأمسي على حبّه نزيل
كل ماهبّت من الغربي ومال
قلبي اللي وين ماهبّت يميل
بإتجاه ديار معشوق الدلال
العنود اللي سرت والناس ليل
تعلنين بغيبتك معنى الزوال
غامضه حتى بأسباب الرحيل
أجدبت أرض المحبه والجمال
وصرت صحرى مرّها عابر سبيل